27 август Шәһәр көнендә, Киндеркүл аланында Үзәк һәм С.В. Михалков исемендәге балалар китапханәсе китапханәчеләре “Традицияләр. Рухият. Яңарыш”, “Үз җирендә үз җырым” дип исемләнгән китап күргәзмәләре оештырды. Шигьриятне үз итүчеләр, «Салават күпере», «Сөембикә» клубы әгъзалары, Үзәк һәм С.В.Михалков исемендәге балалар китапханәсе укучылары туган якка атап язылган шигырьләрен сөйләде, Мәмәшир һәм Чишмәбаш авылы китапханәчеләре матур җырлар бүләк итте.